السلام عليكم مرة أخرى
كيفكم ؟؟
ان شاء الله تمام
راح أقول لكم من أنكد أيام حياتي
البداية بعد يوم دراسي ممل كالعادة
كان عندنا عمال
و طبعا أنا المسؤول الرسمي عن توصيلهم
و بينما كنت أوديهم
و وصلت عند مطب و شويه كذا تشتت تفكيري
كنت افكر في حاجه
و ما أدري الا و انا صدمت
صدمت في سيارة تمشي << غشيم
و وقفت عند أقرب مكان أشوف الوضع
طبعا اللي صدمته انا ما حصل له
بس سيارتي انا تأثرت
المهم شفت الوضع
و اتصلت على أبوي
و انا كنت متوتر لأني صدمت بالسيارة و هي ما لها شهرين
جاء ابوي و قال ما عليك بسيطه
و جاء سألني : كيف صدمت ؟؟
جيت أنا أبغى أصرف : ما قلت الكلمة الأولى الا و قفز علينا العامل
قال : هو غلطان
قلت في نفسي : الله يقطعك فضحتني
و يكمل العامل : هو ما في شوف طريق و مدري ايش
المهم انفحضت
و جيت بروح أكمل أوصل العمال
و بينما رايح أوصلهم
جاء واحد ينكد علي
انا أصلا مو ناقص
حقدت عليه كان ودي أكفخه
بس ربك ستر و ما كفخته <<أصلا هو بيكفخني
المهم يقول انت السبب
انت ما في شوف طريق
انت ..وانت ...
قلت خلاص : كلمة ثانية برا السيارة روح دبر حالك
بس من حسن حظه انه سكت
و لما خلصت منهم
كنت مرة منتهي على الآخر و الا أتذكر مشتريات البيت
و حظي ذاك اليوم كانت كثيرة المشتريات
و رحت اشتريتها و لما كنت راجع افتكرت برضو انه ما في
عشاء لازم اروح أنا و أجيبه من المطعم
و من نكادة ذاك اليوم أن المطعم كان زحمه
و بالفعل اشتريتها
و لما كنت راجع للبيت
كنت بوقف في البايكة
و الا أشوف سيارة قدامي خارجة من البايكة
و ورطت
ما أمداني أوقف في مكان كويس
وقفت في مكان سيء
و المهم جيت بدخل السيارة
و الا ألقى السيارة مغرزه
يا شيخ
كرهت نفسي
ذاكـ اليوم كان يكفيني اللي حصل و الآن السيارة مغرزة
قلت : خليني أكلم البراء أخليه يطلع السيارة بس انا مو فاضي أطلعها و كنت خايف اني ما أطلعها بل أزودها
و جاء البراء على انه محترف سواقه
و جاء و قلت خلاص بروح احط رأسي بس
و الا براء زودها و خلى الكفر السياره كله يغوص في التراب
قلت نفسي : الله يلعنك يا شيخ
و جينا نحفر و نحفر لكن ما في فائدة
و البراء جعل المكان حق السيارة زفت
التغريزة في طلعة << يعني ما في امل للسيارة من الأمام
و من ورا بيت << يعني مستحيل نسحب السيارة من الخلف
و الحفر حقنا و هذا كله راح على الفاضي
و جبنا سيارة ارمادا نيسان << و ما نفعت
لأننا كنا نسحبها على جنب << عكاسه
المهم جبنا دعم من ولد عمي
معاه تاهو << برضو ما نفعت
الأمل الأخير كان في عمي
معاه فورد اكسبيدشن << كل انواع السيارات عندنا
المهم حاولنا ..و حاولنا
و أخيرا و بالعافيه طلعت السيارة
و بعدين رجعت البيت و تعشيت
و كان أخوي يتونس علي لأني غشيم
حقدت عليه ذاك اليوم
و كنت على وشك النوم
و الا أفتكر اني عندي واجب ما حليته
تبا للمدرسة اللعينة
و حليت الواجب اللعين
و انتهى ذاك اليوم المليء بالأشياء السيئة
اعذروني على السناريو الضعيف
و على الإخراج السيء
هذي القصة لأني كنت اكلم واحد عن الغشامه
اليوم في حاجه غلط
اول شيء شربت ......
و بعدين ما صفيت مع الطلاب الطابور
و بعدين اختبرت رياضيات
و اليوم حصة الحاسوب ما اخذناها
و اغرب حاجه
الأستاذ حق البدنيه و استاذ الكفايات
سمحو لي اروح البيت
و الأغرب من هذا كله
الوكيل
ما قد سمح لي اتحرك من مكاني
و اليوم قال لي عادي روح البيت
مدري ايش في المدرسه اليوم
يا رب تستمر زي كذا
كلها سحبات
و ما في دروس و اختبارات
و لا طفش حصة الرياضيات
و لا تعقيد الكفايات
يا رب
السلام عليكم ؟؟
عندي موقف مع الكراتين و كرهتها لمدة اسبوع بسبب الموقف هذا << يا عيني بس اسبوع
كان عند أحد اقاربي دراجون بول z
و كنت اتفرج معاهم و جات لقطة الله لا يذكرني فيها << مدمن و انا صغير
شفت أحد القتالات اللي فيها
جوهان و ذاك الأخضر الآلي مو عارف اسمه
المهم شفت ان ذاك الأخضر دعس على رأس واحد << ايش العنف هذا
و جاءت كذا تأثيرات حزينه
و كان عمري وقتها يمكن 7 او 8 سنوات
و قعدت اسبوع اتحلم بذيك اللقطة <<
و جات مشاكل و مدري ايش على دراجون بول
بس لو اشوفها الآن عادي
السلام عليكم
اليوم
عندنا الأحوال الجويه و لا أحلى
يا شيخ الجو يهبل
و من روعة الجو ما تقدر تخرج من بيتك << لا يا شيخ
و أيضا تهب عليك ريح هوجاء تحس انك بتطير معاها
هذي ديرتي اللي أعرفها
الجو عندنا مرة حلو << خلاص عرفنا
غبار الى درجة انك ما تشوف وجهك <<< هذي آخرتها << و هو في أحد يقدر يشوف وجهه
و ما الى ذلك
و اللي يبغى يزورنا يا مرحبا به
بس ما لي دخل اذا رجعت مغبر
سلام
منقوووووووووووووول
الرئيسية 
